Районан дешаран урхаллин актови зала чохь Даймехкан Турпалхочун денна лерина стихийн конкурс хилира. Иза вовшахтоьхнера «Единая Россия» партин меттигера отделенин, туризман, мохкбовзаран берийн кхиазхойн районан центран белхалоша.
Конкурсехь дакъалецира Нажин-Юьртан № 8 йолу гимназин, Нажин-Юьртан № 4 йолу, Булан-Хит1ара, Гилнара, Мескитара, Бена-Веданара школашкара дешархоша.
Конкурсан толамхой къасто вовшахтоьхнера жюьри: Хатулаев Виспаша-партин меттигера отделенин куьйгалхо, Чанкаев 1имран-туризман, мохкбовзаран центран методист, Даганаева Зарема-берийн кхоллараллин ц1ийнан отделан заведующи.
Жюрис динчу жам1ашца конкурсехь хьалхара меттиг баьккхира Гилнара дешархочо Джайнабизова Луизас. Шолг1а меттиг-оццу школан дешархочо Хадиева Сабирас. Кхоалг1а меттигаш-Бена-Веданара школан дешархоша Мулаева Раяна, Гакаева Хьавас.
Конкурсан толамхошна совг1аташ дира грамоташца.